E vetmja festë e Vitit të ri jashtë shtëpive tona ishin fishekzjarret. Qytetarët munguan në sheshe e rrugë, kjo për shkak të kufizimeve nga koronavirusi. Ora 20:30 është përcaktuar si orari kur hyn në fuqi ora policore, ndërsa nuk u tolerua as për festën e Vitit të Ri.
Rrugë e Tiranës dhe qyteteve të tjera të Shqipërisë janë të pushtuara nga heshtja.
Sonte sheshet ishin bosh teksa të vetmen atmosferë festive e përçojnë zbukurimet e vendosura në institucione dhe në rrugë, si dhe fishekzjarret e hedhura në 00:00, kur u ndërruan vitet.
