Pranë monumentit të heroit të demokracisë, Azem Hajdari, Kryetari i PD-së Lulzim Basha dhe ish-kryeministri Sali Berisha kanë zhvilluar sot homazhe.
Basha dhe Berisha vendosen kurora me lule në nderim të liderit të lëvizjes studentore të vitit 1990.
Homazhe bënë edhe Sekretari i Përgjithshëm i PD, Gazment Bardhi, nënkryetarët Edi Paloka dhe Edmond Spaho, si dhe në emër të të rinjve, kryetari i FRPD, Belind Këlliçi.
Basha shprehet se kryen sot homazhet në nder të njeriut, që priu Lëvizjen Studentore në vitin 1990, për t’i hapur rrugë zhvillimeve demokratike në vend.
“Homazhe në monumentin e Heroit të Demokracisë, Azem Hajdari, në Qytetin Studenti në nderim të lëvizjes studentore të 8 Dhjetorit 1990”, shkruan Basha.
