Mjeku Pëllumb Pipero ka deklaruar se për të nuk ka asnjë lloj efikasiteti mbajtja e maskës në ambiente të hapura.
I ftuar në emisionin “Open”, Pipero megjithatë deklaroi se ai do ta mbajë maskën tani që është bërë detyrim sepse nuk do të gjobitet.
“Shiko, që të jem i qartë. Për mua, maska nuk ka asnjë lloj efikasiteti në ambiente të hapura.
Por, duke qenë se është ligj, unë do ta vendos tashmë, sepse nuk dua që të çoj në fund të muajit fletën e gjobës në shtëpi.
Përsa i përket gjobës, unë do të thoja që qeveria duhet të merret më tepër me ndërgjegjësimin e qytetarëve dhe jo me gjobitjen e tyre.
Ju lutem, mos i mbani shqiptarët nën presion”, tha Pipero.
