Rezidenti aktual i Shtëpisë së Bardhë Donald Trump ka përsëritur se është ai fituesi real i zgjedhjeve presidenciale në SHBA ndërsa ka shtuar se shumë manipulime kanë ndodhur gjatë procesit.
“Vëzhguesit nuk u lejuan në dhomat e numërimit, ne i fituam zgjedhjet me mbi 71 milionë vota të ligjshme, por kanë ndodhur gjëra të këqija gjatë numërimit”, tha Trump në një reagim në tvvitter.
Sipas tij asnjëherë më parë nuk ka ndodhur që vëzhguesit të mos lejohen të shohin procesin.
Sipas reagimit të Donald Trump, miliona fletëvotime postare u janë dërguar njerëzve që nuk u kanë kërkuar kurrë ato.
