Një ditë pasi tha se kreu i PD Lulzim Basha sipas shefit të qeverisë, “nuk ndalon dot as aleaten e tij në fushatën e saj për përhapjen e Covid”, kryetarja e LSI-së, Monika Kryemadhi i është përgjigjur kryeministrit Edi Rama.
Sipas Kryemadhit, “LSI-në nuk e zë asnjëherë virusi se e ka imunitetin top”, duke siguruar opozitarët se LSI do qëndrojë me opozitën dhe nuk ka “lojëra” me kryeministrin Rama.
“Çështja e aleates së zotit Basha të jetë i bindur se LSI-në nuk e zë asnjëherë virusi, edhe nëse e kalon ndonjërin tangent e kalon pa pasoja, kështu që mos ia ketë frikën LSI, se LSI-ja është me imunitet top”, tha Kryemadhi.
Kryemadhi foli edhe për tendera sekretë që sipas saj kanë terrorizuar kryetarët e bashkive në vend.
“Çështja e koronavirusit është një situatë emergjente, sot problem qëndron te menaxhimi i kësaj situate. Sic menaxhon tenderat sekretë të bashkive, që u bën tendera për letra higjienike i ka terrorizuar kryetarët e bashkive, se bën tendera sikur futet letra higjienike në bashki e nuk futet, sa që thonë kryetarët e bashkive të paktën ti sjellë tu bëjmë fotografi e ti marrë prapë. Se do na fusin në burg për letra higjienike që bën ky në Kryeministri”, tha Kryemadhi.
