Të mërkurën 26 Maj 2021, u mbajt një event me rëndësi për përfaqësimin e komunitetit shqiptar dhe Çështjes Shqiptare në Kongresin Amerikan. Si pjesë aktive dhe kontribuese e komunitetit shqiptar në New York, qe e ftuar të ishte e përfaqësuar në këtë event edhe USA Albanian Society. Organizata u përfaqësua nga dy emra të shquar të komunitetit shqiptaro-amerikan në NY, Saimir Dashi e Vilson Dautaj.
Kujtojmë se në fillim të vitit 2021 udhëheqësi shqiptaro-amerikan Harry Bajraktari njoftoi se kongresmeni Ritchie Torres (D, NY-15) do të “ndjekë rrugën e Eliot Engel” i cili kaloi 16 vjet duke përfaqësuar New York-un dhe ishte Kryetari më i fundit i Komitetit të Dhomës së Punëve të Jashtme. Rep. Torres më herët ka marrë edhe një pllakatë përkujtimore nga Ministria e Jashtme e Kosovës Meliza Haradinaj-Stublla në Gusht 2019. Rrethi i Torres përfshin “Little Albania” “Shqipërinë e Vogël” në Arthur Ave në Bronx pranë Universitetit Fordham.
Në fjalën e mbajtur nga presidenti i USA Albanian Society, Saimir Dashi, u theksua rëndësia e mirëpërfaqësimit të komunitetit mbarë-shqiptar në Kongres. Pra pa lënë mënjanë edhe shqipëtarët e Kosovës, Maqedonisë së Veriut dhe Malit të Zi.
Mes të tjerash Z. Dashi theksoi:
“Përshëndetje të gjithëve, emri im është Saimir Dashi dhe unë përfaqësoj USA Albanian Society, këtu si kryetar i organizatës. Jam shumë i nderuar dhe i lumtur të shoh dy gjenerata të politikanëve Z. Elliot Engel dhe Z.Ritchie Torres në të njëjtën tryezë me të njëjtin mision dhe vizion për shqiptarët. Dua të falënderoj Z. Mark Gjonaj për ftesën.
Unë mendoj se komuniteti shqiptar po rritet çdo ditë, prandaj mendoj se është koha e duhur për të thënë që keni njerëz shqiptarë në kongres dhe senat dhe unë vlerësoj që zërat e rinj dhe zërat e vjetër bashkohen nga të njëjtat ëndrra. Unë i jam shumë mirënjohës z. Elliot Engel. Me të u takova dhjetë vjet më parë dhe vizioni i tij ishte i shkëlqyeshëm për të na ndihmuar në ecjen përpara të komunitetit tonë shqiptar.
Unë mendoj se ne jemi, një nga komuniteti më vitale në Shtetet e Bashkuara dhe në të gjithë Shtetet e Bashkuara kemi nevojë për ndihmën tuaj dhe nëse jeni miq me ne si tani, në të këto vende dhe në të këtë tryezë, ne do të përparojmë edhe më shumë në planin afatgjatë. Ne do të jemi në gjendje të ndryshojmë gjërat edhe për shqiptarët në Kosovë, Maqedoninë Veriore dhe Malin e Zi sepse zëri ynë duhet të dëgjohet në Kongres, së pari nga njerëzit tanë. Ky është mesazhi im për të gjithë. Faleminderit për mbrëmjen e mrekullueshme.”
“Për gati 30 vite, shoqëria shqiptaro-amerikane me qendër në Bronx, ka nxjerrë në pah dhe ka festuar kulturën shqiptare. Ndaj mezi pres të ngre zërin e elektoratit tim shqiptaro-amerikan në Kongres”. Eshtë shprehur Kongresmeni Ritchie Torres.
Foto: Z. Saimir Dashi Z. Ritchie Torres e Z. Vilson Dautaj
